افضل الامور لتعلم اللغه الانكليزيه بسهوله علم جديد

1- [[ السمآع ]] ,
اسمع كثيييير كثيييييرَ .. الراديو والأفلام وغيره ,
حتى رسوم الأطفال الانجليزية مفيده جداً لنا لأنهم يتكلمون لا بطيء ولا سريع ,
مثلاً بارنيْ !  أنا عن نفسيُ أحب أشوفه موب عشان القصص اللي فيه ولا عشان شكله!
بس أركّز ع الكلام وأحاول أفهم واجيب قلم ودفتر معي وأحاول اكتب اي كلمه ما اعرفها..
تقول لي : طيب كيف تعرفين الـ spelling (التهجئة) حقتها؟
طبعاً هنا انا احاول اكتب اللي سمعته بالضبطْ , بعدين أروح لترجمة جوجل واكتب الكلمة وهو يصححلي ايها وبعدين أكتشف المعنى ..
مثال:
سمعته يقول [ Beautiful! ]
ومثلا ما كنت اعرف وش يعني ! .. اكتبها في الدفتر زي ماسمعتها:
مثلا [[ butifull ]] .. بعدين أروح لجوجل واكتبها وهو راح يطلعلك الصح ؛
وجرب الحين الطريقـة ذي =)

طيبُ , الحين الكلمة عرفت مْعناهآ ! خلاص كذا؟ احطها في راسي ويعني حفظتها !
لا !!
لازم تكتب كللل الكلمات اللي طلعت معانيها في ورقه .. وتقعد لوحدك في غرفه وتجلس تألّف قصة أو جمل على كل كلمة.. عشان تثبت في مخك ..
واستخدمها مع اخوانك وفي كلامك ؛

طيبُ  ..
الافلام مهمّة جداً جداً وطريقه فعاااالة كثيييير في الانجليزي ,
لانها تنمّي لك الـ listening (السمآع) والـ speaking (الكلام) والـ reading (القراءة) أيضاً !!

>>>>>>>>>>>>>>>> كيف؟؟
** الـ listening (السمآع) **
هذي عادية, كثرة السماعٍ تخليك تميّز الجملة الصح من الخطأ ..
حتى لو ماكنت فاهم وش تسمع !!!
بس خلاص اذنك تكون متعوّدة على اللغة الانجليزية فما تستصيغ الجمل الخاطئة ..
وشي ثاني ,,
تحفظ الـvocab (الكلمات) بنطق صحيح!
وهذي نقطة مهمممممه مهمة في تعلم أي لغة ,
الطريقة اللي يستخدمها كثير من الناس هي انهم يحفظون كلمات بدون مايسمعون وشلون ينطقونها اصحاب اللغة نفسهم! وهذي أكبر غلطة وطريقة خاطئة 100%
وتتعب نفسك ع الفاضي , فلا أحد بيفهم وش تقول .. ولا انت بتفهم منهم!!
على سبيل المثال:
كلمة water (ماء) , مَ اظن في حد مايعرفها ,
نعرفها من ونحن في أولى ابتدائي!  ..  وتعلمنا نقولها زي كذا [[[ ووتر ]]] ~
لكن اذا جيت تسمعها من أصحاب اللغة نفسها , ما راح تفهمها منهم!
لأنها مختلفة كلياً ..
فبالسماع راح تفهمها وتعرف تنطقها نطقاً صحيحاً أيضاً ,


** الـ speaking (الكلام)  **
زي مَ ذكرت قبل شوي , النطق الصحيحُ هو أساس الـ speaking ,,
فإذا ماكنت تعرف وشلون تنطق الكلمة صح وانت تعرف تتكلم انجليزي بسرعة!
فاعرف ان نسبة اللي راح يفهمونك وتفهمهم نسبة ضئيلة جداً !!


** الـ reading (القراءة)  **
الحين تقول وش دخخخخل القراءة في الافلام بالله !
انا اقول لك =)
اي فلم تنزله نزل معه الـ subtitle (الترجمة) بالانجليزي!!
عندك مثلا هالموقع :  http://subscene.com/
فيه ترجممةِ أي فلم تبيه, بس اكتب اسم الفلم فوق وثم اختار الترجمة باللغة الانجليزية ونزله ,
وتفتح الفلم ومستند الترجمة , وتسمع وتشوف الكلام  وتحاول تعيد وتقول معهم ّ!
طبعاً يتطور معك الـ reading (القراءة) والـ speaking (الكلام) وتتعرف على معاني جديدة في نفس الوقت ,,

وبس استمر في هالحالة 3 شهور أقل شيء وبتحس نفسك تطورت كثيييييير كثييرْ ~

-----------------------------

هذا كله " أولاً " ..
بس تقريباً هو 70% من كل اللي بقوله ..

طيبُ ,

2- [[ الممارسة ]]
تبي تتكلم انجليزي بسرعة؟
صعدت السما نزلت الارض !  
بدون ممارسة ماراح تتكلم انجليزي بسرعة أبداً  !!
لازم كل يوم تخصص لكْ ع الأقل ساعة أو نص ساعة تتكلم فيها مع نفسك باللغة الانجليزية ..
اجلس في غرفتك لوحدك ,,, حدد لك موضوع معين ,,, واقعد تكلم فيه!
وأي كلمة تبي تقولها وماتعرف وش معناها بالانجليزي , خلي القاموس عندك وعلى طول شف وش معناها !
اوكي , اذا ماعندك قاموس , زي ماقلنا .. ورقة وقلم واكتب وبعدين شوف وش معناها من اي قاموس ,
أو عندك قاموس جامعة كابمرج المشهورة , وتقدر تسمع الكلمة بنطق صحيح 100%  بالبريطاني والأمريكي بعد!
وهذي أهم نقطة في أي كلمة تحفظها " السمااااع"
وهذا الرابط http://dictionary.cambridge.org/

وطبعاً تكوين صداقات مع الاجانب , الاختلاط بالاجانب فعّـال جداً ..

--------------------------

3- [[ القراءة ]]
اقرأ قصص وروايات انجليزية كثيرر , منها تستمتع ومنها تستفيد من الكلمات الجديدة ..
وانتبه!!!
لا تقرا قصص من نفس المجال!
يعني مثلا انت تحب الجرائم .. تشتري كل القصص عن الجرائم ,,
لا!  اوكي اشتري 5 قصص مو مشكلة ~
بس مو كل القصص!!
عشان تحصل مفردات مختلفة , لازم تشتري من مختلف المجالات!
حتى لو ماتعجبك!! حتى لو قلت  "لالا مابشتري هالمجال الفلاني لاني مستحيل اتكلم عنه"
طيب, ماراح تتكلم عنه! بس هل هذا يدل على انك ماتبي تفهم من الناس؟؟ ماتبي تفهم من برامج التفلزيون؟؟
اكيد في يوم راح يقولون الناس هالمفردات! وبتكون مَ تعرف شيء ~

--------------------------

4- [[ التأليف ]]
عشان تحسّن الـwriting (الكتابة) عندك , ألّف قصْص قصيرة بالانجليزي ..
وزي ما اتفقنا , اي كلمة مَ تعرف وش معناها على طول قاموس كامبرج =)

~~

أنا طوّلت كثير ..
السموحه اذا نسيت شيء ,
بالتوفيق للكل =)



__________________________

بارك الله بك اخي موضوع مميز وكلام مميز ومضبوط